知多一點點 - 覆盆子 Raspberry

大家可能會見我整既蛋糕成日都用覆盆子
都有好多朋友問過我到底咩係覆盆子
拿!! 呢個就係覆盆子啦!!

覆盆子 (Raspberry) 又可以叫紅桑子、木莓
係歐洲係一種好常見既莓子
幾乎所有森林都會有野生覆盆子既存在
而俄羅斯更加係全世界出口最多Raspberry既國家

講返Rapberry既味道先
其實好多時係蛋糕面我地都會見到呢D Raspberry係用黎做裝飾
擺一兩粒係蛋糕面   成個cake即時高貴一倍
但好多人都會覺得Raspberry食落好酸
無錯! 其實大部份香港人都接受唔到Raspberry既酸味
所以通常我地都會將佢做成果茸混入蛋糕入面
當Raspberry同mousse混和埋一齊既時候
一定要細心品嘗佢既獨特香味
以前我成日以為Raspberry同Strawberry都係差唔多味道既東東
但當我試過用Raspberry puree黎整蛋糕之後
我發覺Strawberry同佢係完全冇得比!!
用strawberry黎整蛋糕既香味係完全唔夠raspberry突出!!
但反而strawberry比較適合大大粒啪入口

同埋   其實Raspberry係中醫角度係有補腎壯陽既功效
uMM... 我自己就未印證過....  如果大家有機會試 Raspberry蛋糕....
試完之後, 記得話返比我知有冇效wor!!  哈哈!!

Visit my Online Cake Shop: www.julyshandmade.com

Find me in Facebook: http://facebook.com/julyshm

大大焗爐

意大利 Gierre 

來自意大利的大大焗爐已於上月初進駐店長之家

之前說過這個爐的好處是熱風對流極好

而且容量大   最適合我這些大量製作的奇怪人

在此要多謝仙姐的推介啊!!

經過個多月來既相處     我發覺這個爐真是熱情到不得了 =.="

前幾天焗了個紐約芝士蛋糕

用相同的爐火和時間    個蛋糕竟然可以焗到咁

怪只怪我焗既時候唔專心四圍走

用紐約芝士蛋糕來試爐溫是非常好的

因為它只會在烘焗最後階段先上色

跟macaroon一樣     唔到最後階段都唔知成唔成功

最後呢個蛋糕只好留係屋企自己食!!

Visit my Online Cake Shop: www.julyshandmade.com

Find me in Facebook: http://facebook.com/julyshm

Julyshandmade.com

終於   July's Handmade的網店完成了!!
雖說不是自己編程式做出來的網站
但我這個電腦白痴都可以做出這樣子的網店來
店中所有banner、logo、description都是自己用mouse畫出來的
一次又一次的改版   經過朋友們一次又一次善意的批評
終於可算做得似模似樣了

記住我的網站 http://www.julyshandmade.com/!!

每次跟朋友們說起這門小生意
朋友們的共同問題都是: 「有冇得賺架?」

「其實都冇得點賺, 始終唔係開餐廳,
有一個人買蛋糕, 賺返黎既錢基本上係用黎買材料做下一個蛋糕。」

第二個問題便是: 「冇得賺咁開黎做咩?」
... 好問題

其實對我來說    開July's Handmade的目的
並不是只有賺錢那麼簡單
開店最令人有成功感的地方
在於別人認同自己的眼光及能力

我可以坦白告訴你要是靠網上賣蛋糕去討生活是一件很辛苦的事
首先賺埋都唔夠我買工具買材料貴
其次開店資源有限
由格價、買材料、整蛋糕、送貨、宣傳、覆電話email全部都是一腳踢
星期一至日除了上班就是留在家中廚房和電腦前
可以說很辛苦    但是我很享受

我沒有資金    唯一的資金是青春    我想我應該浪費得起
加油!! 我的 July's Handmade 要跟著我理想中的軌道進發!!

媽咪的生日蛋糕

下星期媽咪生日  做了一個六層覆盆子芝士蛋糕送給媽咪

蛋糕芝士餡是用mascarpone同cream cheese整既

睇下下面既分層啦!!

順序數下去: 是芝士餡、覆盆子jelly、芝士餡、海棉蛋糕、芝士餡、消化餅底

食譜跟《日嚐甜品3》的輕怡芝士餅

不過我將入面的仙人掌啫喱改做Raspberry啫喱

出黎既顏色都好靚啊!! 今日我又將呢個蛋糕變化左做芒果味

將原味芝士餡變左做芒果芝士餡同芝士啫喱

係細細佬特登落柯打要我整個生日蛋糕返去比佢個同學仔既!

聽日再up埋上黎啦!!   講返個蛋糕

當晚呢個蛋糕係同A1既朱古力芒果雪糕蛋糕擺埋一齊切既

雖然size冇個雪糕蛋糕咁巨型

不過味道真係毫不遜色啊!! 媽咪同個個姑姐都好鍾意食

因為蛋糕唔係太甜   d芝士又唔係太漏  仲有個個都好鍾意層啫喱

好快就比人清哂啦!! ^^



。七月手作。July's Handmade。

期待已久 (店主自己期待) 的。七月手作。網上店終於初步完工啦!! 鼓掌!!

在網頁未正式launch之前先來一下本店的簡介啦!

。七月手作。July's Handmade。
是一家有手工蛋糕、餅乾、手作雜貨的小網店
因為店主 kit 的生日剛好疊正「三條七」

所以本店以 kit 認為對她來說最有意義的「七月。July」作為名字

( kit: 七月也是夏日炎炎的游水好季節呢 =v=" )

返回正題   阿kit 成立。七月手作。的原因
不止為了向大家推介她親手製作的蛋糕甜品
也為了實現她那「將人的力量發光發量」的夢想!!!

。七月手作。開張初期將會以售賣阿 kit的手工蛋糕為主
之後我們會慢慢加入更多能夠表揚「人類力量」的元素
讓生活在電腦化環境下的我們可以有更多機會接觸富「人情味」的東西

順帶一提   店主阿 kit 有兩年售賣手工蛋糕的經驗
雖然不是餅店的大師傅     也沒有受過正式的專業訓練
要是大家有機會向我們訂購蛋糕
便會感受到我們除了為您預備美味的蛋糕外
還有對食物的熱誠、信心，和對大家的親切感，不另收費